கொல்கத்தா | ஏப்ரல் 4, 2026
மேற்கு வங்கத்தில் வரும் ஏப்ரல் 23 மற்றும் 29 ஆகிய தேதிகளில் இரண்டு கட்டங்களாகச் சட்டமன்றத் தேர்தல் நடைபெறவுள்ளது. இந்நிலையில், கோடை வெயில் மற்றும் நீண்ட வரிசையைத் தவிர்க்கும் பொருட்டு, தேர்தல் ஆணையம் வாக்குச்சாவடிகளின் எண்ணிக்கையை உயர்த்தி உத்தரவிட்டுள்ளது.
தேர்தல் ஆணையத்தின் முக்கிய மாற்றங்கள்:
- 1,200 வாக்காளர் விதிமுறை: ஒரு வாக்குச்சாவடியில் அதிகபட்சமாக 1,200 வாக்காளர்கள் மட்டுமே இருக்க வேண்டும் எனத் தேர்தல் ஆணையம் நிர்ணயித்துள்ளது. 1,200-க்கும் அதிகமான வாக்காளர்கள் உள்ள இடங்களில் நெரிசலைக் குறைக்க 4,660 புதிய துணை வாக்குச்சாவடிகள் (Auxiliary Polling Stations) அமைக்க அனுமதி அளிக்கப்பட்டுள்ளது.
- வாக்குச்சாவடிகள் இடமாற்றம்: பொதுமக்களின் கோரிக்கை மற்றும் வசதியைக் கருத்தில் கொண்டு, 321 பழைய வாக்குச்சாவடிகள் புதிய இடங்களுக்கு மாற்றப்பட்டுள்ளன. இது குறித்து அந்தந்தப் பகுதி வாக்காளர்களுக்குத் தனித்தனியாகத் தகவல் தெரிவிக்க உத்தரவிடப்பட்டுள்ளது.
- மொத்த எண்ணிக்கை உயர்வு: இந்த அதிரடி மாற்றங்களுக்குப் பிறகு, மேற்கு வங்கத்தில் மொத்த வாக்குச்சாவடிகளின் எண்ணிக்கை 85,379 ஆக அதிகரித்துள்ளது.
வாக்காளர் வசதிக்கான கூடுதல் வசதிகள் (AMF):
புதிய மற்றும் பழைய வாக்குச்சாவடிகள் அனைத்திலும் பின்வரும் அடிப்படை வசதிகள் (Assured Minimum Facilities) கட்டாயமாக்கப்பட்டுள்ளன:
- குடிநீர் மற்றும் நிழற்குடை வசதி.
- மாற்றுத்திறனாளிகள் மற்றும் முதியோர்களுக்காகச் சாய்தளப் பாதை (Ramp).
- நீண்ட நேரம் காத்திருப்பதைத் தவிர்க்க அமருவதற்கான பெஞ்ச் வசதிகள்.
- ஒவ்வொரு வாக்குச்சாவடியிலும் வழிகாட்டும் “வாக்காளர் உதவி மையங்கள்” (VAB).
